Almennt byrjendanámskeið þar sem farið er í gegnum svokallaðar basic pilates æfingar eða grunnæfingar, ásamt æfingum sem kenndar eru á undan almennu pilates til að öðlast meiri skilning á kerfinu. Lögð er áhersla á að styrkja miðjuna og hafa stjórn á líkamanum í æfingunum. Í þessum fyrsta tíma er farið yfir grunnæfingar á dýnu og endað standandi upp við vegg til að skilja líkamann eftir með tilfinninguna að hryggurinn sé langur og bein með miðjuna virka.

Í þessum tíma er aftur farið í gegnum grunnæfingarnar en farið er í sumar af þeim frá öðrum vinkli til þess að öðlast dýpri skilning á æfingunni. Nýjum æfingum er svo bætt við. Aftur er endað standandi upp við vegg í svokölluðum "wall" æfingum.

Hér er haldið áfram að vinna í grunnæfingunum og bætt við tveimur undirbúningsæfingum fyrir Intermediate (Kjarna pilates). Endum standandi að marsera til þess að ná hjartslættinum upp og koma blóðflæðinu vel af stað. Í lokin er svo gerð góð teygja fyrir bak, læri og brjóst.

Í þessum tíma byrjum við standandi og notum lítið handklæði til að teygja í kringum axlir og mitti. Svo förum við djúpt í æfingarnar úr fyrri tímum ásamt því að bæta einni við. Endum svo standandi við vegginn.

Nú hendum við okkur beint í æfingarnar og erum með örlítið meira flæði í gegnum tímann. Ein æfing bætist við en hún er undirbúningsæfing fyrir ´open leg rocker´ sem er Intermediate æfing. Endum svo aftur standandi við vegginn.

Flæði er megin áhersla þessa tíma. Farið er í gegnum æfingarnar sem kenndar voru í síðasta tíma án þess að stoppa. Síðan endum við á teygu sem kallast ´ladder bar stretch´ en hún teygjir aftan á líkama og framan á mjöðmum.

Nú er námskeiðið hálfnað, við höldum áfram með æfingarnar frá fyrri tímum og bætum tveimur nýjum æfingum við og endum á ´ladder bar stretch´ þessari frábæru teygju sem við gerðum í síðasta tíma.

Í þessum tíma er farið dýpra í æfingarnar úr fyrri tímum ásamt því að einni nýrri æfingu er bætt við. Þessi nýja æfing er gerð á maganum og er mjög mikilvægt að hafa í huga að ef þú finnur verk í mjóbakinu þá er betra að sleppa æfingunni! Hún á að virkja rass og læri en ekki mjóbakið. Við endum svo á að marsera og gerum góða teygju til að klára.