Hér er farið í gegnum seríu sem oft er kölluð "series of five" eða "vacation series." Námskeiðið byrjar á basic (byrjenda) útgáfum af æfingunum en svo með hverjum tímanum eru þær gerðar erfiðari stigvaxandi og er lokatíminn advanced útgáfan af æfingunum. Mikilvægt er að hafa í huga að í þessu námskeiði er ekki gert ráð fyrir að gera einungis hvern tíma einu sinni því erfiðleikastigið fer mjög vaxandi. Svo mælt er með því að staldra við á þeim tíma sem þú ræður við og tekur vel á á réttum stöðum og gera þann tíma eins oft og þarf til að öðlast meiri styrk til að færast yfir í næsta tíma. Serían er fyrir "power house" (maga, læri og rass) og það er mjög mikilvægt að passa uppá að missa ekki bakið frá dýnunni og finna að bakið fari að vinna! Farðu varlega og njóttu þess að byggja upp frábæra miðju :)

Íþessum tíma byrjum við að lyfta höfðinu frá dýnunni og þá er mikilvægt að hafa í huga að leggja höfuðið niður ef það myndast spenna aftan í hálsinum. Jafnvel að setja kodda undir höfuð ef þess þarf til að háls sé slakur. Einnig muna að bakið á ekki að vinna þó svo við séum að halda báðum fótum upp að lofti!

Hér verður erfiðleikastigið enn meira og höfuðið þarf að vera lengur uppi svo ég minni á að leggja höfuð niður ef þess þarf og passa bakið.

Nú er upphækkun sett undir efrabak og gerir það æfingarnar auðveldari fyrir hálsinn en aftur á móti erfiðari fyrir kviðvöðvana. Engin pása!

Í þessum tíma eru hendur fyrir aftan höfuð allan tímann og þá þarf mikinn styrk til að halda bakinu í dýnunni. Einnig er þessi tími frábær til þess að finna virkilega hvaðan þú átt að vinna í æfingunum. Þetta er tími sem er gott að endurtaka nokkrum sinnum áður en farið er í næsta tíma.

Nú fer að hitna í kolunum. Hreyfingarnar eru gerðar enn stærri og flæði milli æfinga verður meira.

Þá er það síðasti tíminn. Þessi tími er þónokkur áskorun á kviðvöðvana. þú þarft að hafa mikla stjórn á líkamanum því hreyfingarnar eru enn stærri en í síðasta tíma!